རིག་གནས་ཤེས་བྱའི་རྨང་གཞི་འཇོག་སའི་ངེད་སློབ་གྲྭའི་སློབ་གསོའི་ཁ་ཕྱོགས་ན་འཚར་ལོངས་འབྱུང་བཞིན་པའི་བོད་རང་གི་བུ་རྒྱུད་འདི་དག་ལ་།སྣ་མང་ཕུན་སུམ་ཚོགས་པའི་བོད་ཀྱི་སྒྱུ་རྩལ་དང་ཤེས་བྱ་སྐོར་གྱི་བྱ་འགུལ་གླུ་དབྱངས། སྒ་རྩེད། མདའ་རྩེད། གཡག་ཤུགས་ཐག་ཆད། འུར་ཆ་འཕེན་པ། བོད་ཀྱི་ཅ་ལག་གི་མིང་ངོས་འཛིན་དང་དབྱངས་གསལ་སོ་སོའི་མིང་ཚིག་གྲུབ་པ་སོགས་ཀྱི་བྱ་འགུལ་འདི་ལྟ་བུ་ཞིག་སྤེལ་བ་ཡིན།
སློབ་གསོ་ཅུས་ཀྱི་འགོ་ཁྲིད་དང་སློབ་གྲྭའི་འགོ་ཁྲིད་དག་གིས་བྱ་འགུལ་ལ་རྒྱབ་སྐྱོར་དང་ཐུགས་ཁུར་མཛད་བཞིན་པ།
མདོ་འཛིན་པས་བྱ་མགུལ་གྱི་རྣམ་གྲངས་སྒྲོག་བཞིན་པ།
གྲོགས་པོ་ཆུང་ཆུང་འདི་དག་ནི་ཏང་དང་རྒྱལ་ཁབ་མི་རིགས་སོགས་ལ་བློ་སེམས་དཀར་བ་དང་ཕ་མ་དང་དགེ་རྒན་ལ་ཡང་བརྩི་བཀུར་ལྡན།
སྲོལ་རྒྱུན་དང་ནི་དེང་རབས་ཀྱི།།
སྣ་ཚོགས་རྩེད་མོའི་བྱེ་བྲག་ཀུན།།
ན་ཆུང་བྱིས་པའི་བློ་གྲོས་དང་།།
འཚམ་པར་སྤྱད་ན་དགེ་མཚན་ཆེ།།
མཆོག་དཀར་གཞུ་དང་མདའ་མོའི་རྩལ།།
ཕོ་རྩལ་སྣ་དགུའི་བྱེ་བྲག་ཡིན།།
ཆུང་ཆུང་བྱིས་པས་སྦྱང་དགོས་ཡོད།།
རྩལ་དང་ཤེས་རབ་སྦྲགས་མ་ཡིན།།
གཟི་བརྗིད་དང་རྒྱལ་ཁ།
དམངས་ཁྲོད་ཀྱི་རྩེད་རིགས་ནི་ངོ་མཚར་ཞིང་སྣ་མང་རང་བཞིན་ཅན་ཡིན་པར་མ་ཟད། ལོ་རྒྱུས་ཀྱི་རྒྱུན་རིང་ལ་ཡབ་མེས་གོང་མ་དག་གི་ཤེས་རབ་ཀྱི་ཉིང་བཅུད་ཡིན་པས། རྗེས་རབས་ན་གཞོན་དག་གིས་རྒྱུས་ལོན་དང་སློབ་སྦྱོང་བྱ་རྒྱུ་ནི་ཧ་ཅང་གལ་ཆེ་བའི་དོན་ཆེན་ཞིག་ཡིན་གཤིས། ང་ཚོས་ངེས་པར་དུ་སྲོལ་རྒྱུན་རིག་གནས་དེ་དག་ལ་སློབ་སྦྱོང་དང་རྒྱུད་འཛིན་བྱ་འོས་པ་ཡིིན།