ལང་ཚོའི་མཆོད་གླུ།
ཕ་སྐད་ཀྱི་བླ་སྲོག་བརྟན།མ་ཡིག་གི་ལང་ཚོ་དར་ཞེས་པའི་སྐད་ཡིག་ཤེས་བྱ་འགྲན་བསྡུར་སྐབས་གཉིས་པ་གཟབ་རྒྱས་ངང་སྤེལ་བ།
ཏང་དང་རྒྱལ་ཁབ་ཀྱི་ཡང་དག་པའི་མི་རིགས་རིག་གནས་འཛིན་སྐྱོང་སྤེལ་གསུམ་གྱི་སྲིད་ཇུས་བཟང་པོའི་འོག་ནས། རང་སློབ་གྲྭའི་མགོ་ཁྲིད་རྣམ་པས་རྒྱབ་སྐྱོར་དང་བོད་སྐད་ཡིག་ཁྲིད་དཔྱོད་སྡེ་ཁག་གི་དགེ་རྒན་ཡོངས་ཀྱིས་རྩ་འཛུགས་འོག བོད་སྐད་ཡིག་ཤེས་བྱ་འགྲན་བསྡུར་སྐབས་གཉིས་པ་སྤྱི་ཟླ༡༡པའི་ཚེས༢ཉིན་དངོས་སུ་ལས་གུས་སྙན་ཞུ་ཁང་དུ་གཟབ་རྒྱས་ངང་སྤེལ་བའོ། །
ཐེངས་འདིའི་ཤེས་བྱ་འགྲན་བསྡུར་གཙོ་བོ་བྲིས་རྒྱུགས་དང་གར་སྟེགས་སྟེང་ནས་དྲིས་ལན་འདེབས་རྒྱུ་གཉིས་ཀྱིས་གྲུབ་ཡོད་ལ། དྲི་བའི་རྣམ་པ་ལ་ངེས་འདེབས་ཤེས་བྱའི་བང་མཛོད། ཕ་སྐད་གསེར་གྱི་རང་མདངས། ལེགས་བཤད་མེས་པོའི་ཞལ་གདམས། གཏམ་བཤད་རྣ་བའི་བུ་རམ། སྒོམ་སྡེ་རིག་པའི་སྡིངས་ཀ་སོགས་སྣ་ཀ་ལྔ་ཡིས་གྲུབ་ཅིང་ཕྱོགས་བསྡུས་རང་བཞིན་ཅན་གྱི་འགྲན་བསྡུར་ཞིག་ཏེ། སློབ་མའི་སྐད་ཡིག་གི་རྨང་གཞི་ཤེས་བྱ་སྲ་བརྟན་དང་བསམ་གཞིག་གམ་གཏམ་བཤད་ཀྱི་ནུས་པ་གསོ་སྐྱོང་། སློབ་རའི་རིག་གནས་ཀྱི་མཁའ་དབུགས་གསོ་བསྐྲུན་དང་སྐད་ཡིག་དར་སྤེལ་གྱི་ཁོར་ཡུག་བཟང་པོ་ཞིག་བསྐྲུན་པར་ནུས་པ་ཆེན་པོ་ཐོན་ཡོད།
འགྲན་ཞུགས་རུང་ཁག
参赛队伍
འགྲན་བསྡུར་གྱི་ཡུལ་དངོས།
比赛现场
རྩེད་མོའི་ལེ་ཚན།
文艺表演
གཟེངས་འབུལ་མཛད་སྒོ།
表彰优秀