དཔེ་ཀློག་ལ་སེམས་པ་སྤྲོ་ཚེ་ཕུགས་བསམ་ལ་གཟི་བརྗིད་ལྡན། 校园溢满书香 好书伴我成长

ནམ་རྒྱུན་དཔེ་ཀློག་ལ་གཞོལ་ན་མཐོང་ལམ་ནི་མཁའ་དབྱིངས་བཞིན་མཐའ་ཡས་པ་ཞིག་ཏུ་འགྱུར་བར་མ་ཟད། མཐར་འཇིག་རྟེན་གྱི་ལྟད་མོ་སྣ་ཚོགས་མིག་ལམ་དུ་ཅིག་ཅར་མངོན་ཡོང་བ་གདོན་མི་ཟ།   རིག་པའི་ཉིང་ཁུ་འཐོབ་འདོད་ན་དཔེ་ཆ་ལ་གཞིབ་དགོས། མཛེས་པའི་ལྟད་མོ་མཐོང་འདོད་ན་དཔེ་ཆ་ལས་མཐོང་ཐུབ། མི་ཚེའི་སྙིང་བོ་ཡང་དཔེ་ཆ་ལས་ལེན་ཐུབ་བོ།

　　དེར་བརྟེན།  ༢༠༢༠ལོའི་ཟླ་༤བའི་ཚེས་༢༣ཉིན་ཏེ། འཛམ་གླིང་དཔེ་ཀློག་ཉིན་མོར་འབོ་སྤ་བཅའ་སྡོད་བོད་ཡིག་སློབ་ཆུང་གིས་༼དཔེ་ཀློག་ལ་སེམས་པ་སྤྲོ་ཚེ་ཕུགས་བསམ་ལ་གཟི་བརྗིད་ལྡན༽ཞེས་པ་བརྗོད་གཞི་ཡིན་པའི་འཛམ་གླིང་དཔེ་ཀློག་ཉིན་མོའི་དྲན་གསོའི་བྱ་འགུལ་སྤེལ་ཞིང་།

བྱ་འགུལ་འདི་ནི་སློབ་གྲྭས་དུས་ཆེན་འདི་བརྒྱུད་དེ་དགེ་སློབ་ཡོངས་དཔེ་ཀློག་འདུན་པ་ཇེ་ཆེ་དང་དཔེ་ཀློག་གི་དགོས་གལ་རང་བཞིན་ཤེས་རྟོགས་བྱེད་པ།

　　སློབ་གྲྭའི་སློབ་སྦྱོང་གི་ཁ་དབུགས་སྔར་ལས་ཕུན་སུམ་ཇེ་ཚོགས་སུ་གཏོང་བ་བཅས་དགེ་མཚན་དུ་མར་དམིགས་ཏེ།

རྣམ་པ་རྒྱ་ཆེ་བར་སྤེལ་བའི་དཔེ་ཀློག་བྱ་འགུལ་ཞིག་ཡིན།

ཐེངས་འདིའི་བྱ་འགུལ་གཏིང་ཟབ་པ་རྒྱ་ཆེ་བ་ཞིག་སྤེལ་བའི་སླད་དུ་བོད་ཡིག་སྡེ་ཁག་དང་།  གྲངས་རིགས་སྡེ་ཁག  རྒྱ་ཡིག་སྡེ་ཁག་བཅས་གསུམ་ནས་དུས་རྒྱུན་དཔེ་ཀློག་ལ་དུང་བ་ཡོད་པའི་དགེ་རྒན་དཔེ་ཀློག་པ་འགའ་མ་སྐུལ་དང་ལེན་གྱིས་དཔེ་ཀློག་མྱོང་ཚོར་སྒྲོག་སྦྱོང་གི་འགྲན་བསྡུར་ལ་ཞུགས་པ་དང་།

ཁོ་ཚོར་ཆ་རྐྱེན་དང་རེ་བ་བཏོན་པ་ལྟར་ཐེངས་འདིའི་སློབ་གྲྭའི་དཔེ་ཀློག་ཚན་ཆུང་གིས་དངོས་ཡོད་ཀྱི་གནས་ཚུལ་དང་བསྟུན ནས།

འདྲ་མཉམ་དང་དྲང་བཞག་གི་སྒོ་ནས་དཔེ་ཀློག་ཨང་དང་པོ། ཨང་གཉིས་པ།  གསུམ་པ།   ཕུལ་བྱུང་དཔེ་ཀློག་པ་འགའ་བདམས་ཐོན་བྱུང་སྟེ།

བྱ་འགུལ་གྱི་སྐབས་སུ་གཟེངས་རྟགས་ལེགས་སྐྱེས་ཕུལ་བ་ཡིན།

ཐེངས་འདིའི་བྱ་འགུལ་གྱི་སྐབས་སུ་དགེ་རྒན་དཔའ་མཁར་རྒྱལ།  དགེ་རྒན་འཕགས་པ་སྐྱབས། རྒན་ཡུམ་འབུམ་རྒྱལ་བཅས་ཀྱིས་སློབ་མ་དག་གིས་དཔེ་ཀློག་བྱེད་པའི་དགོས་པའམ། དཔེ་ཀློག་ཇི་ལྟར་བྱེད་དགོས་ཚུལ། དཔེ་ཀློག་གི་གལ་ཆེན་རང་བཞིན།

དཔེ་ཆ་བདམ་སྟངས།  དཔེ་ཀློག་གི་མྱོང་བ་བཅས་ཀྱི་ཐད་ནས་གཏམ་བཤད་དང་བཀའ་སློབ་གལ་ཆེན་གནངས་།

མཇུག་མཐར་སློབ་གཙོ་དཔལ་ལྡན་མཆོག་ནས་སྤྱི་སྡོམ་ལེགས་པོ་སྤེལ་ཏེ་བྱ་འགུལ་མཇུག་སྒྲིལ་བའོ།