གུང་ཧོ་རྫོང་མི་རིགས་སློབ་འབྲིང་གི2024ལོའི་ལོ་རིམ་བདུན་པའི་སློབ་མ་གསར་པ་བསྡུ་བའི་བརྡ་ཐོ།

གཅིག མིང་ཐོ་འགོད་པའི་སློབ་མའི་ཁྱབ་ཁོངས།

སློབ་མ་གསར་བ་བསྡུ་ཡུལ་ནི་གོང་གསལ་མི་རིགས་སློབ་ཆུང་ཁག་ནས་ལོ་ངོ་དྲུག་གི་སློབ་གཉེར་མཇུག་རྫོགས་ཏེ་དམའ་འབྲིང་དུ་ཆས་དགོས་པའི་སློབ་མ་ཡིན་ཞིང་། ང་ཚོས་ཐོག་མཐའ་བར་གསུམ་དུ་སྣོད་བསྟུན་དང་། སྤྲོ་སྣང་། ཞི་མཐུན་བཅས་ཀྱི་སློབ་སྦྱོང་གི་ཁོར་ཡུག་ཅིག་བསྐྲུན་ཏེ་བོད་ཀྱི་བྱིས་པ་རྣམས་ལུས་སེམས་བདེ་ཐང་ངང་འཚར་ལོངས་འབྱུང་བར་ཆ་རྐྱེན་ཡག་པོ་བསྐྲུན་རྒྱུ།

གཉིས། མིང་ཐོ་འགོད་པའི་དུས་ཚོད་དང་ས་གནས། 

མིང་ཐོ་འགོད་པའི་དུས་ཚོད་ནི། 2024ལོའི་སྤྱི་ཟླ་8ཚེས་31ཉིན་གྱི་སྔ་དྲོའི་ཆུ་ཚོད་8:30ནས་12:00བར་དང་། ཕྱི་དྲོའི་ཆུ་ཚོད་2:30སྟེང་སློབ་དེབ་དང་འབྲི་དེབ་སོགས་སྤྲོད་རྒྱུ། 

མིང་ཐོ་འགོད་ས། གུང་ཧོ་རྫོང་མི་རིགས་སློབ་འབྲིང་གི་གཟེབ་གྲུག་ཁང་ཡིན། དེ་གར་སློབ་མ་སོ་སོའི་རང་ཉིད་ཀྱི་མིང་ཐོ་འགོད་ཡུལ་བདེ་བླག་ངང་རྙེད་པར་སྟབས་བདེ་བཟོས་ཡོད། 

གསུམ། མིང་ཐོ་འགོད་སྟངས། 

ཁྱིམ་བདག་དང་སློབ་མས་སློབ་གྲྭའི་སྒོ་ཁར་སྦྱར་བའི་འཛིན་གྲྭའི་གནས་ཚུལ་ལྟར་མིང་ཐོ་འགོད་དགོས་ཤིང་། རང་རྟོགས་སྒོས་གྲལ་སྒྲིག་པ་དང་སྒྲིག་ཁྲིམས་སྲུང་དགོས།

བཞི། ཟས་རིན་བསྡུ་བའི་ཚད་གཞི།  

སློབ་སྐབས་གཅིག་གི་འཚོ་བའི་གྲོན་དངུལ་སྒོར་1400ཡིན་པའི་ནང་རང་ཉིད་ཀྱིས་སློབ་སྐབས་རེར་སྒོར་250（ཟླ་རེའི་ཆ་སྙོམས་སྒོར་50）སྤྲོད་དགོས་པ་དང་ལྷག་མའི་སྒོར་1150ནི་ནོར་སྲིད་ཀྱིས་བཏང་ནས་ཟླ་9པའི་ཟླ་མཇུག་གམ་ཟླ་10པའི་ཟླ་སྟོད་དུ་སློབ་མ་རང་ཉིད་ཀྱི་སྤྱི་ཚོགས་འགན་སྲུང་བྱང་བུའི་སྟེང་ཕྱིར་སློག་པ་ཡིན།

ལྔ། མིང་ཐོ་འགོད་པར་མཁོ་བའི་རྒྱུ་ཆ།  

1.ཁྱིམ་ཐོ་མ་ཡིག་ལས་ཤོག་ངོས་དང་པོ་དང་།ཕ་མ་གཉིས།།སློབ་མ་རང་ཉིད་བཅས་ཀྱི་ཤོག་ངོས་གཅིག་གྱུར་སྒོས་A4ཤོག་བུ་གཅིག་གི་སྟེང་དུ་དཔར་དགོས།       

2.ཉེ་དུས་ཀྱི་ཚུན་དོ་ཅན་གྱི་རྒྱབ་ལྗོངས་སྔོན་པོར་བྱས་པའི་འདྲ་པར་བརྒྱད་ཁྱེར་ཡོང་དགོས། 

3.ཚགས་སྒྲིག་བྱང་བཟོས་དུད་ཁྱིམ་དང་། མ་མཐའི་འགན་སྲུང་དུད་ཁྱིམ། དབང་པོ་སྐྱོན་ཅན་དང་དྭ་ཕྲུག་སོགས་ཀྱི་དཔང་ཡིག་ཡོད་ཚེ་བསྐྱར་དཔར་ཚར་གཉིས་བྱས་ཏེ་འཛིན་བདག་ལ་སྤྲོད་དགོས། 

དྲུག དོ་སྣང་བྱ་དགོས་པའི་སྐོར།

1.འཚོ་བའི་མཁོ་ཆས། སློབ་མ་རང་ཉིད་ཀྱིས་འཚོ་བའི་ཉེར་མཁོའི་དངོས་རྫས་སྟེ། དཔེར་ན་ཉལ་ཐུལ་དང་ཉལ་གདན། ཁ་ལག་འཁྲུད་བྱེད་ཀྱི་འཚོ་བའི་ཡོ་བྱད་ཁྱེར་ཡོང་དགོས་ལ། ཉལ་ཐུལ་ཉལ་གདན་གྱི་ཕྱི་ཤུན་དང་དཀར་ཡོལ་ཁྱེར་ཡོང་མི་དགོས།    

2.བཟོ་ལྟ་དང་གཟུགས་བྱད་ཀྱི་རེ་བ། སློབ་གྲྭའི་རྣམ་པ་ཡག་པོ་སྲུང་ཆེད། སློབ་མའི་ཚད་གཞི་ཇི་བཞིན་སྐྲ་བཞར་དགོས། སྐྲ་ལ་རྩི་བྱུགས་པ་དང་། ཁྱད་མཚར་བའི་རྣམ་པ་འཇོག་པ། སྐྲ་འཇིལ་ལི་བཟོ་བ། སེན་མོ་རིང་བོ་འཇོག་པ། རྣ་ལུང་དང་རྒྱན་ཆ་འདོགས་པ། གྱོན་པ་མཚར་བོ་གྱོན་པ་སོགས་མི་རུང་ཞིང་། མཚོན་ཆའི་རིགས་དང་ཁ་པར་གཏན་ནས་སློབ་གྲྭར་ཁྱེར་ཡོང་མི་ཆོག

3.སློབ་མར་སྤྱི་ཚོགས་འགན་སྲུང་བྱང་བུ་བཟོས་མེད་ཚེ་སློབ་མགོ་མ་ཚུགས་གོང་ནས་བཟོས་ཏེ་མིང་ཐོ་འགོད་དུས་བྱང་བུའི་བསྐྱར་དཔར་འཛིན་བདག་གི་ལག་ཏུ་འཇོག་དགོས།

འབྲེལ་གཏུག་ཨང་གྲངས། 

སྒྲོལ་མ་ཚེ་རིང་།（སློབ་སྤྱི་གཞོན་པ）

15309744433 

དཔལ་ལྡན་རྡོ་རྗེ།（སློབ་ཁྲིད་དོ་དམ་ཁང་གི་ཀྲུའུ་རེན）

15597661111