མི་ཡུལ་ཐོག་མ་འགྲིམ་དུས།།
འོ་དོད་སྒྲ་ལས་མ་ཤེས།།
རྐང་གཉིས་ཐང་ལ་རེག་ཚེ།།
ཨ་མའི་ནུ་ཞོ་དྲན་བྱུང་།།
ན་ཆུང་དར་ལ་བབས་དུས།།
ཨ་ཕའི་བཀའ་དྲིན་དྲན་སོང་།།
མི་ཡུལ་ཐོག་མ་འགྲིམ་དུས།།
ཀ་ངོ་ཙམ་ཡང་མ་ཤེས།།
ཀ་ཁའི་གཡང་སྒྲོམ་ཁ་ནས།།
དགེ་རྒན་བཀའ་དྲིན་ཚོར་བྱུང་།།
སློབ་ཀྱི་གྲྭ་ལ་ཞུགས་དུས།།
འཇིག་རྟེན་སྡུག་གུ་གོ་བྱུང་།།
མི་ཡུལ་ཐོག་མ་འགྲིམ་དུས།།
ཆོས་སྒྲ་རྣ་ལ་མ་ཐོས།།
ལས་ངན་བག་ཆགས་བསལ་དུས།།
བཤེས་གཉེན་དམ་པ་མཇལ་བྱུང་།།
སེམས་ཁྲིད་ཡིད་ཀྱི་མུན་སེལ།།
འཁོར་བའི་སྡུག་ཀུན་ངེས་བྱུང་།།
མི་ཡུལ་ཐོག་མ་འགྲིམ་དུས།།
བཀྲེས་སྐོམ་གདུང་བས་མནར་ཡང་།།
རིན་ཆེ་ནོར་ལས་ལྷག་པའི།།
མཆོག་གསུམ་བཀའ་དྲིན་མ་བརྗེད།།
རྟག་ཏུ་གུས་པའི་ཕྱག་འཚོལ།།
འཇིག་མེད་རྡོ་རྗེ་རྟོན་ཞིག།
རང་ཚུགས།
2024-8_20