རྩེ་ཁོག་རྫོང་མི་རིགས་སློབ་འབྲིང་དང་པོས་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་བསུ་བར་ཡིག་གཟུགས་དང་རི་མོ་འགྲན་བསྡུར་དང་བརྩམས་ཆོས་འགྲེམ་སྟོན་བྱ་འགུལ་སྤེལ།
རྒྱལ་ཡོངས་བོད་ཀྱི་ཡིག་གཟུགས་དུས་ཆེན་བསུ་བའི་ཉིན་མོ་འདིར། སྤྱི་ཁྱབ་ཧྲུའུ་ཅི་ཞི་ཅིན་ཕིན་གྱི་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་རྒྱུན་འཛིན་དང་དར་སྤེལ་སྐོར་གྱི་རྒྱས་བཤད་གལ་ཆེན་ལག་ལེན་མཐར་ཕྱིན་བྱེད་ཆེད་དང་། གཟུགས་འདས་རིག་གནས་ཤུལ་བཞག་གི་གྲུབ་ཆ་གལ་ཆེན་ཏེ་བོད་ཀྱི་ཡིག་གཟུགས་ཉིད་ཉམས་པ་སླར་གསོ། མ་ཉམས་གོང་འཕེལ། སྔོན་བྱོན་མཁས་དབང་རྣམས་ཀྱི་བཀའ་དྲིན་སྙིང་ནས་དྲན་པ། ནང་སྒོས་སུ་རྒྱལ་ཡོངས་བོད་ཀྱི་ཡིག་གཟུགས་དུས་ཆེན་གྱི་ཉིན་མོར་བསུ་བའི་རྟེན་འབྲེལ་དུ། ངེད་རྩེ་ཁོག་རྫོང་མི་རིགས་སློབ་འབྲིང་དང་པོས་སློབ་མའི་ཡིག་གཟུགས་དང་རི་མོ་འགྲན་བསྡུར་བྱས་ཏེ་བརྩམས་འགྲེམ་སྟོན་གྱི་བྱ་འགུལ་སྤེལ་བ་ཡིན།
གཅིག ཡིག་གཟུགས་དང་རི་མོ་འབྲི་སྦྱོང་གིས་སློབ་མའི་རིག་སྒྲིམ་དང་རང་འཇོན་ཡིད་ཆེས་ཀྱི་བསམ་བློའི་སྤུས་ཚད་སྐྱེད་བསྲིང་བྱེད་ཐུབ།
གཉིས། ཡིག་གཟུགས་དང་རི་མོ་འབྲི་སྦྱོང་གིས་སློབ་མའི་བློ་གྲོས་སྔོག་འདོན་དང་སློབ་སྦྱོང་གི་འཚོ་བ་དང་འབྲེལ་བའི་བྱ་བའི་འཆར་འགོད་བྱེད་པའི་འདུ་ཤེས་བསྒྱུར་ཐུབ་པ།
གསུམ། ཡིག་གཟུགས་དང་རི་མོ་འབྲི་སྦྱོང་གིས་བྱིས་པའི་ཀུན་སྤྱོད་ལེགས་བསྒྱུར་དང་རིག་གནས་སློབ་འདོད་ཀྱི་སྤྲོ་བ་སློང་ཐུབ་པ་ཡིན།
བཞི།ཡིག་གཟུགས་དང་རི་མོ་འབྲི་སྦྱོང་གིས་བྱིས་པའི་སྐྱེ་འཕེལ་དབང་བོ་སྙོམས་སྒྲིག་དང་སེམས་ཁམས་བདེ་ཐང་འཚར་ལོངས་ལ་སྐུལ་འདེད་གཏོང་ཐུབ་པ་ཡིན།
ལྔ་བ། ཡིག་གཟུགས་དང་རི་མོ་འབྲི་སབྱོང་གིས་མིའི་རང་གཤིས་དང་འཇོན་ནུས་གསོ་སྐྱོང་བྱེད་ཐུབ།
དྲུག་པ། ཡིག་གཟུགས་དང་རི་མོ་ནི་རིག་ཚན་མང་པོ་དང་འབྲེལ་བ་དམ་ཟབ་ཡོད་པས། ཡིག་གཟུགས་དང་རི་མོ་འབྲི་སྦྱོང་གི་གོ་རིམ་ཁྲོད་ནས་འབྲེལ་ཡོད་རིག་གནས་སློབ་པའི་མཐུན་རྐྱེན་བསྐྲུན་ཐུབ་པ།
བཟོ་རིག་པདྨའི་དགའ་ཚལ་དུ། མོས་ལྡན་རྐང་དྲུག་སྦྲང་རྩིས་མྱོས།