ང་ཚོའི་སློབ་གྲྭའི་དགེ་རྒན་གྱི་སློབ་གསོ་དང་སློབ་ཁྲིད་ཀྱི་ཆུ་ཚད་རྒྱུན་ཆད་མེད་པར་ཇེ་མཐོར་གཏོང་ཆེད།་དགེ་རྒན་རྣམས་ལ་ཕན་ཚུན་འབྲེལ་འདྲིས་དང་དཔྱད་བསྡུར་བྱེད་ཆེད 2024ལོའི་ཟླ་3ཚེས་27ཉིན་གྱི་སྔ་དྲོའི་སློབ་ཐུན་གསུམ་པར་ང་ཚོའི་སློབ་གྲྭའི་བོད་ཡིག་ཚན་ཁག་གི་དགེ་རྒན་ཚང་མས་ལོ་རིམ་དང་པོའི་སློབ་ཁང་དུ་བོད་ཡིག་སློབ་ཁྲིད་ཀྱི་སློབ་ཚན་ཉན་པའི་བྱེད་སྒོ་སྤེལ་བ་རེད། སློབ་ཁྲིད་བྱེད་སྒོ་ཧྲིལ་པོའི་ནང་དགེ་ཐུབ་བསྟན་གཡང་སྐྱིད་ཀྱིས་དཀའ་གནད་ཁོང་དུ་ཆུད་པ་དང་སློབ་ཁྲིད་ཀྱི་ནང་དོན་ཉུང་ལ་སྤུས་ཀ་དག་པ་སྟབས་བདེ་ལ་ཁ་གསལ་བའི་སྒོ་ནས་བློ་སྒོ་འབྱེད་པ་དང་ཁྲིད་སྟོན་བྱ་རྒྱུར་སྣང་ཆེན་གྱིས་སྐུལ་ལྕག་རང་བཞིན་གྱི་སྐད་ཆ་སྤྱོད་པར་བྱས་ཏེ་སྤྲོ་སེམས་རབ་ཏུ་འཁོལ་བའི་ངང་སློབ་མར་སེམས་འགུལ་ཐེབས་པ་བྱས་པས་སློབ་ཁྲིད་ཀྱི་ཕན་འབྲས་བཟང་པོ་ཐོན་པ་རེད།
སློབ་ཁྲིད་བྱེད་སྒོའི་ཁྲོད་ཚང་མས་དགེ་རྒན་གྱི་འབད་བརྩོན་དང་ཡར་ཐོན་ཚོར་བྱུང་། རང་ཉིད་སྦྱོང་བརྡར་བྱས་ནས་མི་གཞན་ལ་རོགས་རམ་བྱེད་པ་དང་ཆབས་ཅིག་ངེད་བོད་ཡིག་ཚན་ཁག་གི་དགེ་རྒན་གྱི་སྤྱི་ཡོངས་ཀྱི་མཉམ་ལས་ནུས་པ་ཆེ་རུ་བཏང་བས་ཕན་འབྲས་ཧ་ཅང་ཡག་པོ་ཐོན་ཡོད་པ་རེད།
སློབ་ཐུན་གྲོལ་རྗེས་ངེད་བོད་ཡིག་ཚན་ཁག་གིས་སློབ་ཚན་དཔྱད་བསྡུར་བྱས་པ་དང་དགེ་རྒན་ཚོའི་སློབ་ཁྲིད་བྱེད་སྒོར་དམིགས་ནས་བསམ་ཞིབ་དང་ཕྱོགས་སྡོམ་བྱས་པ་རེད་། ཚོགས་ཐུན་འདི་བརྒྱུད་ནས་ཕན་ནུས་ལྡན་པའི་སྒོ་ནས་དགེ་རྒན་ལ་རོགས་རམ་དང་མཛུབ་སྟོན་བྱེད་ཐུབ་པ་དང་། སློབ་ཁྲིད་ཀྱི་ཉམས་མྱོང་ཕྱོགས་བསྡོམས་བྱས་ནས་སློབ་གསོ་དང་སློབ་ཁྲིད་ཀྱི་ཆུ་ཚད་མཐོ་རུ་གཏོང་བར་གྲུབ་འབྲས་མི་ཉུང་བ་ལོན་ཐུབ་སོང་།